Tml Times 22 Nov 2023 (Wed)
Tel Aviv, Nov 21: Hamas khatni Israel tuang leader nun kak khou ‘ceasefire’ lad dimm bammei tei guang tangk nuh nikum bam the. Ceasefire nai khang ruai Qatar meikhin ruai chaguat su thau kan tuang nge. Khoutei America ni kadam kajauhmei akhat su bamme.
‘Ceasefire’ nai nimei lam nthukmei kiuthu Hostage nimm loumei nun, Hamas ruai puni, Israel ruai puni nimm loumei tei, tii pat dat khang nge tuna saa ye.
Rih lam khou China tuang President Xi Jinping ruai BRICS tuang extraordinary virtual summit khou saa kanmei kiuthu ‘Israel le Hamas kak khou rih pat dat rap rap bammei luan hei pat dat mak khang tu yethei ‘Two Nation Solution’ nai nina the tumei the. Mikiuhtu Palestine-mei nun hei kaniu tuang state (nation) hei nai kan khang tumei the.
South Africa tuang President Cyril Ramaphosa ruai saa dat kanmei khou atau Gaza khou rih su bammei khouhei Israel hei khuaii phungk the, ‘war crime’ luan khou Israel hei ‘genocide’ (mei geiyna su-luaimei) the tuna saa lana UN Force nun ta Gaza khou lou lana civil nun ta gaek lou khang kage nai the tuna Cyril ruai saa kanthe. (The Hindu)
(Pic: S.A. President Cyril Ramaphosa)
Discover more from Rongmei Encyclopedia
Subscribe to get the latest posts sent to your email.
Rongmei Encyclopedia 