Tml Times 10 Jan 2024 (Wed)
Delhi/Imphal, Jan. 9: ‘Nomadic Chin-Kuki’ tumeithu ruan tat bammei Chin-Kuki jati tihei Scheduled Tribes list khou ruai laa ganh khang tumei lam khou kathaai (study su) khang Centre ruai Manipur Govt. khou tithai kanthe.
Mituang lam khou representation tei Maheshwar Thounaojam, Secretary Republican Party of India (Athawale) ruai Tribal Affairs Minister Arjun Munda khou December 11, 2023 nung tii lou tuang nge, mi representation khou saa kanmei kiuthu Scheduled Tribes tuang nthukmei criteria kiuthu ‘dilungmei’ tumei ye. Kumma Ntaimei (Meiteis) ta ST khou lou khang tumei ladbam khou Thounaojam ruai saa kanne, kumlana Manipur khou Scheduled Tribes list hei Centre ruai nchumhma su nina re tuna saa kanne.
Mituang lam khou Centre ruai Manipur Govt khang representation akhat tii kei dat kanne, kumma mituang case sinthau khang state government tuang recommendation hei nthukmei ye tuna saa kanne.
Kumlana mituang representation luan khou nchambmei hei November 2023 khou ta World Meetei Council ruai ni su kanne tuna cham khou saa ye. Represenation ta PM Modi khang tii kanne, mi khoutei hee loumei kiuthu ‘Kuki-Chin hei Myanmar thaeng ruai migrate su guangmei nun de, kumma refugee settlement policy bangk khou humanitarian ground khouruai Manipur khou tii bam lou tuang nge tuna saa kanne. Kumma Manipur khou Chin-Kuki hei lungh-bam tii lou rap khouruai tii na tangrung loumei khatni independent homeland ‘Zalengam’ kasiamh khang nga suthau de tuna saa kanne. (Mint)
(Kuki Tribal – for graphical representation)
Discover more from Rongmei Encyclopedia
Subscribe to get the latest posts sent to your email.
Rongmei Encyclopedia 